De Mario Victorino philosopho christiano

(1880)

Author: Koffmane, Gustav, 1852-
Subject: Victorinus, C. Marius
Publisher: Vratislaviae Typis H. Lindner
Language: Italian
Call number: AGC-2168
Digitizing sponsor: University of Toronto
Book contributor: Robarts – University of Toronto
Collection: toronto

Nostri saeculi homiues in vitis eorum, qui historiae partes egerunt secundarias, per peculiares libros conscribendis ita versati solent, ut non immerito vir quidam criticus nuper hanc fere censuram tulerit: quando vitam personae minus praeclarae tot paginis descriptam legerit, ob oculos sibi constitisse statuam exilem ingenti super basi constructam. Idemne nunc diverticulum ingredior de Mario Victorino disputaturus? Historiam conversionis eius nos non tanti ducimus, quanti saecuii IV Christiani. Sed convertit se ad Christianismum philosophus inter omnes quotquot tunc in occidente fuerunt haud scio an princeps. Qui novae religionis assecla factus ut antea philosophicos ita tunc Christianos libros impigro stilo exaravit. Non exuit omnem paganitatem; dilucide igilur illa opuscula docent, quatenus Romanorum passim in Christiana castra transeuntium animi inter ethnica atque Christiana piacita versati sint. At Victorinus, ut philosophum decet, in circumscribendo systemate theologiae suae desudat; ecce tres inter se collctantes cogitandi normae: gentilis rhetor Romanus, qui in commentariis biblicis Vergilium citet et res mythologicas afferat; senex Christianus quem non fugiat ethica novae religionis gravitas, qui gaudeat legere scripturam sacram; philosophus, qui theologiam vere scientificam fundamentis philosophicis superstruere nitatur, qui dogmaticas illius temporis contentiones intellegere studeat. Adde quod scripta Nostri intellectu tam difficilia sunt, ut in enucleandis sensibus obscuris atque perplexis operarii vice fungi non infima laus sit.